Förgun á Dexcom og Omnipod
Síur
Leiðbeiningar um förgun á Dexcom og Omnipod
Vörurnar frá Dexcom og Omnipod eru einnota lækningatæki, hönnuð með öryggi þitt og hreinlæti í huga. Með einnota vörum er tryggt að hver eining sé hrein, örugg og áreiðanleg og án hættu á smiti eða bilunum sem gætu fylgt endurnotkun.
Þrátt fyrir að ekki sé hægt að endurvinna allar einingar er einfalt og öruggt að losa sig við þær á réttan hátt.
Svona förgum við rétt:
- Skothylki fara í almennan úrgang, þar sem þau innihalda blandað efni og eru án rafhlöðu. Þau enda í brennslu þar sem þau nýtast til orkunýtingar.
- Dælur og skynjarar innihalda innbyggðar rafhlöður sem ekki er hægt að fjarlægja og skulu því flokkaðar með litlum rafhlöðum til endurvinnslu.
Flokka má hvoru tveggja heima fyrir þar sem öll heimili eru með tunnu fyrir almennan úrgang og ílát fyrir rafhlöður eru aðgengileg víða, meðal annars á söfnunarstöðvum sveitarfélaga.
Rétt flokkun stuðlar að ábyrgri og öruggri förgun.